Jab koi baat bighad jaye...jab koi mushkil pad jaye...tum dena saath mera... song from movie Jurm...& my cells current ringtone...My cell buzzing...I am sitting on bench at Chatushringi Temple...Kapil Kaka flashing on my mobile screen...Kapil Soni was calling me...
Kapil : Kaha hai re...?
Me : Pahle tu bata...tu kaha hai...?
Kapil : Mai khada hoon office ke niche...
Me : Ohh...mere ya tere...
Kapil : GLT 1.0 ke niche...(Kapil works with HSBC and GLT for Global Training Center
1.0 is name of the their building)
Me : Achchha...mujhe laga ke tu mere office ke niche hai...mai office ke pass hi
hoon...Chatushringi mandir me...
Kapil : Ok...!!! Shaam me free hai...?
Me : Hmmm...haan...kuch khaas kaam hai...?
Kapil : Le Meridian chalega...???
Me : Kya...??? Kya bol raha hai...???
Kapil : Wohi...jo tu sun raha hai...
Me : Majak mat kar...!!! (Loudly)
Kapil : Abey...sach bol raha hoon...ek presentation hai waha...uski 2 passes mili
hai...2 log ja sakte hai...so I decided ke tu chalega saath me...
Me : Ok...kab chalna hai...??? Kaha milna hai...???
Kapil : Mai thodi der baad call karke batata hoon...
Me : Ok...chal then...bye...
Kapil : Bye...
Unbelievable...apni LiFE me pahli baar...***** (5 Star) hotel me jane ko milega...wo bhi free of cost...bahut dino se socha tha...ke ek baar to jarur jaunga...chahe khud ko paise kharch kyon na karne pade...lekin free me jane ko milega ye to sapne me bhi nahi socha tha...
7:30 pe presentation start hona tha...hum Late-latif log thik 8:30 pe pahuche...
Entry karte hi...dikhai di...ek se badhkar ek...shaandaar caron ki katar...Hummer...Skoda...na jane kaun kaun si...kai Caron ko to mai pahli baar dekh raha tha...
Le Meridian ki khoobsurati ka andaza uske Vishal Entry Gate se hi lagaya ja sakta tha...Jitna Khoosurat hotel...utne hi khoobsurat waha ke log...Lady Receptionists...Wah!!!
Dil dhadkan to rukne ka naam hi nahi le rahi thi...kya kare...? Pahla experience jo tha...Isi hotel me kisi rahis family ka koi get together tha...un logon ke Vaibhav ke baare me mai kya kahu...!!!
Hotel ka muaayna karte karte hum log pahuche The Regal...jaha presentation chal raha tha...
Presentation HSBC Bank ne organize kiya tha...Mr. Arindam Ghosh, Head of Sales, Retail & Private Banking, JP Morgan Asset Mgt India P Ltd the...sab log shaant mann se sun rahe the...waha ke Shaanti ko humari chahalkadmi bhang kar rahi thi...
Presentation khatm hone me tha...Speakerji bahut gyani malum huye...presentation khat m hua...uske pashchaat question-answer session tha...log diggajon ki tarah sawal puchhne lage...aur speaker sahab utne hi hoshiyari se unke jawaab de rahe the...
Vote of Thanks hua...ab baari thi Cocktails evum dinner ki...
Cocktail ko chhune walon me hum na the...Teetotaller jo thahre...
Humne colddrink liya...aur PaanchSitara Dinner lene lage...
Dinner hua...menu to mujhe yaad nahi...Desserts me I/c with Hot Chocolate aur Gulab Jamun the...
Reception aaye...kuch snaps liye...thodi der reception ke sofo ka aanand liya...
Aur phir...in sunahari palon ko apni yaadon me sanjoke chal diye...
No comments:
Post a Comment